Mopai Thian Ih Thusimmi Ruangah Monui Lungthin A Kuai, Neta Ah An Neiaw

US, Illinois khua ah mopuai hlunghlai zetin an nei. Desiree White (kum 32) in pasal a nei, a pasal ih rualpi ṭhabik ih thusimmi ruangah a lungthin a kekkuai. An pathum in rualpi ṭha zet an rak si ih tlawng an kaitlang ṭheu.

An neihawk sun ah mopai thian in, “Monu Desiree hi ka hmuh hmaisabik ni ka mang lai. Ka hmuh veten ka duh cih, ka ta ding a si tin ka rak ruat. Leitlun ih ka hmuhmi fala lakah a mawi bik, ka hmuh mi lakah miṭha bik a si ih amah vek cu ka tong nawn lo ding.

Ka hrang ding a si tin saduhthahnak ka rak nei ringring nan tlangval anei zo ti ka theih ruangah zianghman ka zuam ngam lo. Lamzin dang aum ding ti ka zum ih a tlangval khal ṭhaten ka kom ṭheu. Ziang asikhallen nan pahnih in ka lo duhdawt tuk, Congratulations” a ti.

Mopai thian khalin Desiree White hi arak uar ve tuk nan a duhdawtnak cu a pholang ngam dah lo, pasal a neih sun ahcun zu a ri deuh ruangah a thinlung sungih um zaten mipi hmaiah a relsuak. Mipi pawl cu an hni vualvo lawk nan neta ahcun an dai reprep thluh.

Monu Desiree White in, “Zingpit ah kan inn ah ara ih mokor hruh in ka rak ceiaw rero lai. In zoh ringring hnuah ‘ziang na cang’ ka tiih ‘Na mawi tuk aw’ in ti. In zohdan le a mitmeng dan a diklo ti ka thei nan thildang aum ding ti cu ka rak zum dah lo” a ti.

Kutsihnak an ṭheh hnuah an lamnak tualrawn ah monu le mopai thian cu an tongaw ih monu in, ‘Ziangah caanṭha veikhat tal in rak pe lo?” tin a sut ih mopai thian in zianghman a rel lo, “Nang pahnih in ka lo duhdawt tuk” arak ti.

Cumi hnuah monu le mopa cu an ṭhenaw, monu le mopai ṭhian ṭhabik cu an neiaw ih zodang ngai loin hringnun an hmang rero lai. Desiree White in, “Ka pasal thawn kan ṭhenawk hnuah in ra hnem ṭheu, ka thinhar tuk lai caan ah in hnam cu ka um a nuam tuk. Cutin, duhnak biathu kan hlanaw ih kan neiaw” a ti.

Be the first to comment

Leave a Reply

Your email address will not be published.


*