Mopuai Ah An Music A Ring Tuk Ruangah Ar 63 An Thi, Ar Neitu In Taza A Cuai

Odisha ramsung ah mopuai hlunghlai zetin an nei ih an music awn a ring tuk ruangah ar 63 an thih phah. Ai neitu in palik sakhan ah taza ava cuai ih an thuhla cu palik pawlin an buaipi rero lai.

Ar neitu in, “Zan nazi 11:40 hrawngah ring tukin music an play ih ti dim deuh dingin ka fial. Asinan mopai rualpi pawlin in hringhro ih ringpin an play deuhdeuh, cumi hnuah kan ar pawl ka va zoh ih ar 63 cu an thi” a ti.

An ar vulhnak sungah ar 2,000 hrawng an um ih ar 63 an thih thutthi ruangah sumpai tam zet a sung. Tualsung thuneitu pawlin ar pawl an thihnak a san cu an zingzoi.

Sibawi in, ‘Ar pawlin thilawn ring tuk an theih asilen an lungtur cawl in an thi thei. Himi ar pawl hi natnak ruangah an thi lo, lungphu cawlin an thi” arak ti.

Be the first to comment

Leave a Reply

Your email address will not be published.


*