Mopuai Ah Bomb A Puak Ih Monu Telin Minung 3 An Thi

Tuisun May 25 sun nazi 1:00 hrawngah mopuai an nei ih bomb a puak ruangah monu telin minung 3 an thi, minung 8 in hliam an tuar.

Yangon, Thingangyun (A) vengsung ih thilthleng a si, monu cu tlawng sayama ṭuanlai a si ih laksawng an pekmi a on zawngah bomb a puak. Laksawng sungah bomb an rak ret ih a puak, mopa ih cousin mipa pakhat le mopuai ih tel nunau pakhat cu a hmun ah an thi cih.

Mopa khal hliam a tuar ih siizung ah an tuamhlawm rero lai. Vengsung mi pakhat in “Sun nazi 1:00 hrawngah bomb a puak, bomb puak awn kan theih veten kan va zoh ih hliamtuar pawl cu motor in siizung lamah an rak phur.

Monu le minung 2 an thi ti in rak sim ih minung 8 in hliam an tuar. Mopa cu မဘသ အဖွဲ့ member a si” a ti. Zuk: Mopuai ih mithi, mopa ih cousin unau Zaw Win Aung

Be the first to comment

Leave a Reply

Your email address will not be published.


*