Mopuai Ah Camera-Man Cu Rawlei An Siang Ve Lo Ruangah An Zuk Pawl A Hlonhlo (Delete) Thluh Sal

Nunau pakhat in a thilton cu Reddit ah a tarlang “Ka hmeltheih pakhat in pasal anei zik ih mi zuktu (camera-man) dingah in ra sawm. Sumpai an renawk ruangah in ra sawm, kei cu mizuktu photographer ka si lo. Rannung uico zuktu ka si, hmunram le uico pawl ka zuk ṭheu ih Facebook le Instagram ah ka tarlang.

Ka hnaṭuan khal a si, ka zukmi pawl cu an mawi thei zet ko. An hnenah “ka lamkal a si lo ka ti nan a mawi lo khallen a poi lo in ti, sumpai an renawk thu thawn in sawm ruangah $250 zat hlawh dingin ka rak lungkim. Zing ihsin ka poksuak ih an fehnak hmun tinkim ah ka thlun vivo ih hmun mawi zetzet ah ka zuk, an neihawknak ding hmun ah kan va fehsal ih ka zuk rero.

An neihawk lai, thusim lai le mipi pawl umdan cu ka rak zuk rero. Zinglam nazi 11:00 ihsin ka zuk thok ih zanlam nazi 7:30pm ih theh ding an si. Simlam nazi 5:00pm ah rawlei ding an tuah, asinan mopa in “Mi zuktu na si ih rawlei in na cawl thei lo, rawlei lai khal rak zuk rero aw” in ti.

Cun ka rawleinak ding table khal in tuahsak lo. Ka cau tuk zo ruangah ka thiltuah cu ka siraw, cun himi sun cu khua a hlum tuk bet. An neihawknak hmun cu hall thing a si. Khuahlum dan cu 110F hrawng a si ih AC aum fawn lo, mopa hnenah “minute 20 sung ka cawl lawk ding, thil ka va ei lawk ding” ka ti.

Mopa in “mi zuktu na si lo maw, mi na zuk ding maw, hlawh man pe loin na suak ding in ti. Tidai in ding khal in pe lo, ka keng mi tidai bur 2 cu a cemnak a rei tuk zo. Khua a hlum, ka rilrawng bet ah ṭhaten in be lo. Mopa hnenah “na thungai maw si?” ka tiih “Aw” in ti. Curuangah a hmuh lai rori ah an zuk pawl cu ka hlonhlo thluh sal ih mi ka zuk nawn lo ding tin ka tlansan.

Khatawk laitak ahcun $250 zat in pek aiin, tidai khuahkhat le minute 5 sung tonak cu $250 zatin ka lei duh sawn. Ka sual nan ti maw? Social media ah honeymoon an fehnak zuk pawl an tarlang ih mipi in an zuk pawl an dil rero nan zianghman an letsawng lo” tin a tarlang.

Be the first to comment

Leave a Reply

Your email address will not be published.


*