Mopuai Ah Monu A Thi Ṭhutṭhi Ih A Naunu Le Mopa An Neiaw Thotho

India ram cu Covid-19 natsia in a nuai rero lai nan mopuai nei an um thotho, asinan mopuai ah minung tampi cu umkhawm an siang lo.

May 27, 2021 ah mopuai an nei, Nawli khua ih um fala le tlangval Mangesh Kumar le Surbhi cu neiaw dingin ziangkim an tawlrel thluh. Cutin, puithiam in kutsihnak aneih hlan te ah monu in aum nuam lo thu a rel ih a tlu thutthi hnuah a thi cih.

Sibawi an ko ih ‘lungphu cawl in a thi zo’ a ti, mopa in Surbhi ih nulepa hnenah an fanu nautatu Nisha nei dingin a dil cih ih an innsang pahnih ih upa pawl an tokhawm.

Thu an reltlang hnuah mopuai cu nei peh vivo dingin an lungkim tlang, mithi ruang cu khatlam room ah an ret lawk ih mopuai cu an nei peh. An neihawk hnuah mithi ruang cu an vuailiam.

Surbhi ih ṭapa Saurabh in “Mopuai riahsiat um a si, ka farnu ih ruang cu khatlam room ah aum ih khatlam room ah ka naunu in pasal anei” a ti. TMZ thuthang in ‘sumpai ruangah a si bik ding, Indai ram cu monu in mopa an lei ṭheu ih cumi besei ruangah a si ding’ tin an tarlang.

Be the first to comment

Leave a Reply

Your email address will not be published.


*