India, Unnao district ah fala le tlangval tuakkhat cu hlunghlai zetin an neiaw. An sungkhat rualpi pawlin an va sunloihpi, kutsihnak an neih rero laiah mopa cu a cansual ih a tlu lawk. Cutawk ah a samlem cu a tla thutthi ih mipi in cal-kau, cal-ngolh ti an thei.
Monu innsang pawl khalin an rak theicia lo, monu cu a lau tuk ih kutsihnak cu cawlhter ding a ti. Mopa cu a nei duhsal lo, a innsang le a rualpi pawlin an lem rero nan a thuthluknak ah a ding hnget zo thu a sim thei. Tualsung palik tiang an ko phah.
Palik pawl hmai khalah monu in a nei duh lo thu a sim thei. Monu innsang pawlin mopuai hrangah Rs 5.66 lakh an cem thu an sim thei ih mopa innsang in an pesal. Mopa le a innsang pawl cu monu tello in an khua ah an tlungsal.
Monu ih pate in, “A cal-ngolh thuhla hi ṭhaten in simcia ding a si nan. In simcia sehla cun kan naunu hnenah ṭhaten kan rak theihter dingih a hmuh tikah a lau lo ding. Kutsihnak cu bumawknak tello ih tuah ding a si” a ti.
Leave a Reply