Mopuai Ah Monu Le Mopa Cu Mokor Ruangah An Kai

Mopuai ah monu le mopa cu mokor ruangah tualsung palik pawlin an va kai ih sakhan ah an hruai, a san cu mokor hi mopa in a nupi hlun ta arak ruk mi a si. Adam le Mary hi kum tawkfang sung cu an neiaw, kutsihnak hlunglai zet nei in an neiaw ih hmun dangdang ah hna an ṭuan.

Cumi hnuah Adam in fala dang arak kop thup ṭheu ruangah an ṭhenaw, Mary in a thilri bungrua pawl a la ih a nulepa kiangah ava um. Asinan, an neihawknak ih mokor le a nulepa ih kenmi rothilri, sui le ngun pawl cu a hmu nawn lo.

A hawl rero nan a hmu thei lo ih Adam hnenah a sut, Adam khalin aumnak a thei lo thu arak sim thei. Cutin an ṭhenawk hnuah Adam in a fala cu a nei hngal, mopuai an tuah ih monu in zianghman thei loin Adam ih rukmi mokor le sui le ngun pawl a hmang.

Mopuai ih telve Mary ih rualnu in monu cu a zuk ih Mary hnenah a kuat, “A kor hruhmi hi na korhlo mi thawn an bangaw tuk, a sui le ngun pawl khal na ta vek ciahciah” tin ca kuat. Mary in a letsawng lo, cumi hnu reilote ah an mopuainak hmun ah palik le Mary cu an va thleng hngal ih palik pawlin thilumdan cu an sutfiah hnuah monu cu a kor phelh dingin an fial nan a duh lo ruangah palik sakhan ah an hruai.

Mokor le sui le ngun pawl cu Mary hnenah an pesal thluh ih Adam le a nupi thar in sumpai an kuan hnuah palik sakhan ihsin an suak ve, an nupa cu ziangtin an um vivo ti theih a si nawn lo,

Be the first to comment

Leave a Reply

Your email address will not be published.


*