Mopuai Ah Mopa In Monu A Beng Ih An Ṭhenaw

Tamil Nadu, Panruti khua ah fala le tlangval tuakkhat cu hlunghlai zetin kutsihnak an nei. An pahnih in phunsang tlawngkai, cathiam veve an si.

November 6, 2021 ah hamawknak puai an tuah zo ih January 20, 2022 ah kutsihnak an nei. Mopuai ahcun nuam zetin an lam ciamco, monu ih unaupa (cousin) cu monu le mopa karlakah ava dingih a lampi veve.

Monu le mopa cu a kuah ih an lam, cumi cu mopa in a hmu thei lo ruangah monu cu mipi hmuh laiah a beng fukfi. Monu khal a thinheng tuk ih ṭhenaw ding a ti, a innsang pawl khalin ṭhenaw dingin an cohlang ve ih an ṭhenaw hngal.

Monu cu a innsang pawlin an sungkhat naivai lakah pasal ding an hawlsak ih an hmu, cutin pasal dang an neihter hngal.

An ṭhenmi mopa cu a thinheng tuk ih tualsung palik sakhan ah thubuai ava thehlut, nunau tei innsang in an hmuhsuam thu a sim thei ih mopuai hrangah Rs.7 lakh a cemliam zo ih zangnadawmnak pe dingin taza a cuai. An thubuai cu palik pawlin an buaipi rero lai.

Be the first to comment

Leave a Reply

Your email address will not be published.


*