Motor In Mino Pakhat A Pah That, A Hnakum Ah A Naupa Cu Motor In A Pah That Ih Motor Mawngtu Cu A Bangaw, A Passenger Khal A Kel

1975 kum ih thilthleng hi a mak zet, Royal Gazette newspaper cahmai ah an tarlang. Cumi hnuah John Michell le Robert J.M. Rickard in “Phenomena: A Book of Wonders” cabu sungah thilthleng mak zet cu an ngankhum ih tuini tiang leitlun mipi in an siar rero lai.

US, Packwood Hime ih um mino kum 17 mi Erskine cu July 18, 1974 simlam ah an innkiang lamzin ah bike a mawng ih motor in a pah that.

Motor mawngtu Williard Manders le a passenger cu tualsung palik pawlin an ko ih thilumdan pawl an zingzoi hnuah thubuai ciamco orhter loin kaphnih theihthiam awknak an nei ih an suahsal. A hnakum July 30, 1975 ah Erskine ih naupa Neville cu an innkiang lamzin ah a u ih bike a mawng ih motor in a pah that lala.

Motor mawngtu le passenger cu a u pah thattu an si ih an zingzoinak ah pah that hrim an si lo ti an thei. Neville ih bike mawngmi khal a u ih bike mawngmi ciahciah a si, an unau in an thih tikah kum 17 veve an si ih an thihnak hmun lamzin khal a bangaw.

Be the first to comment

Leave a Reply

Your email address will not be published.


*