Motor Sungah A Fahniang A Tang Ih A Thi, A Ningnaa Tuk Ruangah A Kap Aw That

US, Virginia khua ih um pacang pakhat cu June 28 zinglam ah hnaṭuan dingin a poksuak, a fapa kum 1 le thla 6 mi cu nauhak umnak daycare ah a ret phah tum.

Asinan, a fapa cu motor sungah a itthat ih a theihhngilh. Hnaṭuannak ah a lan ih nazi 3 sung hna a ṭuan. Himi sun cu khua a hlum tuk, 80F in khua a hlum.

A fapa cu motor sungah khua hlum tuk ruangah a thi, motor sungah a fapa thizo cu ava hmu ih a lungkuai, a thiam aw lo tuk.

Hmin tarlang rem hrih lo pacang cu an inn ah ava tlung ih a meithal in a lu ah a kap aw that. Palik pawlin zohdiknak an va nei ih innsung an lut veten a fapa ih ruak cu an hmu, an hmuanchar thingkung lakah pacang khal thicia in an va hmu.

Be the first to comment

Leave a Reply

Your email address will not be published.


*