MP K Vanlalvena In “Kan That Thluh Lo Ih An Vanṭha, An Ra Sal Asilen Kan That Thluh Ding” A Ti

Mizoram-Assam buainak cu a ret thei hrih lo, July 26, 2021 zanlam ah an kapaw ih Assam palik 5 telin minung 6 an thi ih hliamtuar khal an tam zet. Mizo lamah cun mithi an um lo ih hliamtuar pakhat/hnih hrawng lawng an um, tu’ahcun media hmangin an doaw rero lai.

Delhi, Parliament House ah upa pawl an tongaw ih thilumdan an rel, Mizo National Front’s Rajya Sabha MP K Vanlalvena in “Assam palik 200 lenglo cu kan leiram sungah an ra lut ih kan palik pawl umhmun khuarnak an nor, kan kap hlanah in kap hmaisa sawn.

In kap hmaisa ruangah kan kap that a si. An zaten kan that lo cu an vanṭha tuk, an ra sal asilen kan rak that thluh ding” tin National News Agency hnenah a sim.

Assam pawl khal an thinheng tuk ih Mizoram fehnak lamzin zaten an phit thluh, cun palik 5 thattu thuhla theitu an um asilen ₹ 5 lakh laksawng an pek ding thu an phuang. July 28, 2021 sunah Home Ministry in Assam le Mizoram hruaitu upa pawl a ko ih nazi 2 sung lenglo thurel tlangnak an nei.

Be the first to comment

Leave a Reply

Your email address will not be published.


*