Mrs. DC America Ngahtu China Fala

Tulai US ramsung ah Asian miphun hmuhsuamnak a nasa zet, cuvek lakah Chinese-American fala in Mrs. DC America zuamawknak ah a pakhatnak a ngah cu thilmak zet a si. Kum 19 hnuah Asian miphun in an ngah a veikhatnak a si.

Mrs. DC America zuamawknak cu May 1, 2021 ah Washington, D.C. ah an nei. Tulai Covid-19 ruangah mipi um loin an tuah ih online sungah an zuamaw.

Cutin fala Anchyi Wei in Mrs. DC America ah a pakhatnak a ngah, Anchyi Wei cu China, Taiwan mi a si ih kum 9 a tiah USA ramah an vai.

A pakhatnak ngahtu cu D.C aiawh an si dingih November thla ih an tuah dingmi rampi mimawi zuamawknak khalah a tel ding. Mrs. DC America rak ngah hmaisabiktu Asian mi cu Chinese/Japanese-American fala Chiann Fan Gibson a si, 2002 kum ah arak ngah.

Chiann Fan Gibson cu Japan ram ih piang a si ih a nulepa cu Taiwan mi an si, 1986 kum ah US milesa sinak an ngah. Mrs. DC America ngahtu Anchyi Wei in “Tulai Asian miphun hmuhsuamnak a nasa tuk ruangah ka beidong, miphun thleihrannak um nawn lo dingin ka do ding” a ti.

Be the first to comment

Leave a Reply

Your email address will not be published.


*