Mual In Liamsantu Rev. France le LCF Aizawl Thuanthu Tawi

June 13, 2021 ah Rev. France (kum 53) cu a rianmi Cung Pathian ṭanghlum ah in cawlhsan. Secretary LCF Aizawl: “Rev. France le LCF Aizawl ih thutawi. Rev. France hi kan laimi ah cun a theilo kan umlo ding ti sehla a sual lo men ding.

Kum 2006 April thla Good Friday zanah LCF ih Pastor tuan dingin an hung thlengih an inn luahnak dingah Motor thawn LCF Biakinn ihsin ka rak thlah ih, kan titi a nuam in kan ngaina duhdawt aw lan hngal, Pastor tampi thawn kan duhdawt aw ih LCF Pastor din hmun in, Rev. France te le Rev. Kap Thuan Thang te hi kan rak um tlang rei zetih kan ngaina/ngai thei zet.

Cutin Rev. France cu kum 2006 in kum 2011 tiang LCF Pastor a rak tuan, LCF Pastor a rak tuan sungah nasa zetin kan laimi Aizawl um pawl hnenah harsat, mangbang, damlo can le thih-hloh can ah Pathian thu thawn rak uap in, mi tampi in a hnen ihsin Pathian an rak tawng ngah a si.

LCF Aizawl a um sungah LCF in Pathian thu le taksa dan khalah kan rak thatpi in kan rak nawm pi ngaingai mi Pastor a si, a um sungah kutsihmi tuak (6) a nei ih nau hlanmi pa (3) a rak nei.

Pastor a tuan sungah LCF Aizawlin thiltha hminsin tla tampi in rak tuahpi ih Silver Jebilee kan hman ih Sunlawihnak capi kan rak pe mi Pastor a si. LCF Aizawl in Rev. France parih Pathian lairel dan hi theihthiam har kan tiih na kan ti, a tanta mi a nupi fate hrangah thlacamnak kan nei. (#Secretary LCF Aizawl)

Be the first to comment

Leave a Reply

Your email address will not be published.


*