Muse Bomb Puak Ah Rawlthar Kum 15 Mi A Thi, 2 Hliam An Tuar Ih Pakhat Cu A Taksa Hrek A Kangsia

Shan State, Muse khawpi ah bomb a puak ih rawlthar kum 15 mi a thi. Tuizing May 28 zinglam nazi 8:15 ah No. 3 Basic Education High School kiang, Muse People’s Hospital kiangah bomb a puak.

Vengsung mi pakhat in “Bomb puak awn cu a ring tuk, bike pakhat a siat thluh. Bike parah a puak an ti, pakhat cu lamzin parah a thi cih, pakhat in hliam nazet a tuar. Ralkap pawlin lamzin an phit thluh zo” a ti.

Bomb puak ruangih mithi cu rawlthar kum 15 mi Maung Po Thingyan a si, thil tifainak company ih hnaṭuan a si. Hliamtuar, taksa hrek kang ih hmin cu U Maung Aye a si ih kum 45 mi a si, bike thawn an phurawk laiah bomb a puak si a zum um.

U Maung Aye cu mitkharh dawr ih hnaṭuan a si, kiangkap um in “Hliamtuar, taksa hrek kang ih dinhmun cu a sia tuk, siizung ah an tlanpi zo” a ti. Cun, bomb puaknak kiangih sii dawr kiltu fala pakhat khal hliam a tuar ve. Zo in bomb an kam, ziangtin bomb a puak ti cu theih a si hrih lo.

Be the first to comment

Leave a Reply

Your email address will not be published.


*