Myanmar, Kayin Ram Ah Ti A Lian

Kayin State, Kyaing Seik Gyi ramsung ah catbang loin ruah a sur ciamco ruangah ti a lian. Zami tiva cu a thang ih a luangliam ruangah Kyaing Seik Gyi khua cu a nuai.

Veng 6 ih um inn le lo pawl a nuai siat thluh, Zami tiva cu Thailand-Myanmar ramri ih um tiva a si ih furcaan ah ti a lian áš­heu ruangah kumtinten an buai. Mithi le hliamtuar cu an um lo nan ruah a sur ringring lai ruangah ti a lian deuhdeuh ding ti an phang zet.

Tualsung mi pakhat in “Ti a lian ruangah kan buai tuk, ruah leh a sur rero lai. Covid-19 natsia leh a hrang lai ih buainak hlir kan tong” a ti.

Kayin ramsung ah ralkap le mipi an rak doaw ciamco zo ruangah raltlan khal an tam zet ih tuvek boruak sia ah raltlan pawl cu an buai zet ti a si.

Be the first to comment

Leave a Reply

Your email address will not be published.


*