Myanmar Milar Cu A D’Hlui In “Ra Leng Lawk Awla?” A Tiih Ni 3 Sung Ava Cam

Myanmar milar Ye Htoo Win (Okkar Min Maung) cu a ruangrai a ṭha in a lar zet, Mister Tourism World 2016 laksawng khal a ngah. Zuknung sung khalah a tel phahphah ṭheu, tu’ahcun USA ramah tlawngkai phah le hnaṭuan in umhmun a khuar.

USA ram khalah Myanmar ram hrangah duhphorhnak a ṭuah ṭheu, amah hi sinak bang kopaw pawl a si. Tlangval anei ih caan reipi sung an rak umtlang zo, asinan buainak neuhneuh an neih ruangah an ṭhenaw.

A tlangval hlun in an uite ka hmu cak tuk, ra leng lawk uhla a tiih a va leng cu ni 3 sung a cam. Ni 3 sung cu tlawng a kai lo ih hnaṭuannak khalah a feh lo, a hnaṭuanpi pawlin an phone rero nan phone khal a kai thei lo.

A farnu in a hlo si ding tin arak thinphang tuk man, ni 3 hnuah a umnak cu a sim thei hai ih an thinheng tuk. Ye Htoo Win in “A hnenih um cu nuam ka ti tuk. Zuknung kan zohtlang ih thunuam kan reltlang, kan hnitlang ih thil kan eitlang.

Kan kopaw sal kem maw ti cu ka thei ve lo, asinan ka kiangih aum tikah cun ka aipuang tuk. Keimah ruangih a hlim ti ka hmuh tikah ka hlim ve. Buainak kan neih nawn lo ruangah ka lungawi tuk, in tuamhlawmnak parah ka lungawi tuk” a ti. Ye Htoo Win le a D’hlu cu an kopaw sal zo ti a si.

Be the first to comment

Leave a Reply

Your email address will not be published.


*