Myanmar Milar John Lwin In “Ka Thih Tikah Ka Ruak Tuamhlawmtu Ding An Um Lo, Facebook Parah Cun Thazang In Petu An Tam Zet Nan A Takram Ah An Um Lo” A Ti

Kum 54 mi John Lwin (Tin Aung Lwin) cu Myanmar ramsung ih model agency din hmaisabik tu a si, Stars & Models International dintu a si. Model 200 hrawng le actors 30 hrawng training a pe ih hminthang zetzet ah a sersuak.

Amah hi nupi nei hrih lo val-u a si, cun Myanmar ramsung ah sinak bang kopaw LGBT pawl tanpitu khal a si. Myanmar ramsung buainak ah mipi lamtang a si, lamzawhnak khalah arak tel ṭheu nan hringhronak a tong hnu ihsin a dai reprep. Curuangah kaa neilo hminthang tin mipi in an soisel ṭheu.

Myanmar ramsung ah Covid-19 natsia a hrang vekin a sungkhat unau pawl khal an thi. John Lwin in “Ka sungkhat, rualpi pawl mual an liam ih ka riahsiat thu ka ngan laiah kei khal damlo sehla, thi sehla ka ruak tuamhlawmtu ding, ka ruak kiangah sumpai kengin leilung ih in phumtu ding ngaingai an um lo.

Keimah ruangah mihlawhtling, hminthang pawlin ka hrangah an caan an peaw ve theilo ding ti cu ka theihthiampi. Facebook parah cun thazang in petu an tam zet nan a takram ah ka hrangah peaw tu ngaingai ding an um lo.

Hingnun cu kanmahten kan fehliam a ṭul si, pathian kut sungah ka apaw ih amah in ziangkim a tawlrel thluh ding ti ka beisei” a ti. Mi tampi in thazang peknak le a kiangah an um ringring thu an comment, ṭhenkhat in val-u hringnun cu khatin sokhaw titu khal an um.

Be the first to comment

Leave a Reply

Your email address will not be published.


*