Myanmar Mipi Hrang Korea Actor Lee Seo Ho Khal A Ausuak Ve

Myanmar ramsung um mipi pawl in ralkap cozah an do rero lai, ramleng ih um pawl khal an theinak zawngin an rak cangvai rero lai. South Korea ram ih um Myanmar mipi le Korea mipi pawl tangkhawm in duhphorhnak an neitlang.

May 31 sun ah Korea khawpi Seoul ih Chinese Embassy hmaiah duhphorhnak an nei ih Koran actor hminthang Lee Seo Ho khal a telve. Kum 34 mi Lee Seo Ho cu hlasakthiam, actor le fashion model á¹­uanlai a si.

Duhphorhnak an neih lai cu a facebook cahmai ah live a thlah ih an zuk pawl khal a tarlang. Myanmar mipi khalin lungawi thu an sim ih The Irrawaddy Lifestyle thuthang ah a thuhla cu tarlang a si.

Lee Seo Ho in “Myanmar mipi dothlennak cu thazang ka pe, Korea mipi in Myanmar mipi nunnak liamtu pawl kan lo hngilh nawn lo ding. Myanmar ram hrang nunnak hlu zet hi liam nawn lo hram seh. Myanmar dothlennak neh hram seh” tin a tarlang.

Be the first to comment

Leave a Reply

Your email address will not be published.


*