Myanmar Miss 2 An Tlung Ngam Hrih Lo

Leitlun mimawi zuamawknak ah Myanmar ram aiawh ih teltu Myanmar Miss 2 cu tutiang an tlung ngam hrih lo. Miss Grand Myanmar Han Lay cu March thla ah Miss Grand International 2020 zuamawknak ah a tel ih mipi hmaiah “Myanmar mipi in leitlun huap bawmnak kan ṭul tuk” tin a ausuak.

Thailand media pawlin hmaiton thusutnak an nei ih Myanmar ramsung ih buainak pawl cu cipciar zetin a sim thluh ruangah Myanmar ramah a tlung ngam nawn lo. Ṭhenkhat thuthang ahcun Myanmar ralkap pawlin kai dingin warrant an suah zo tin an tarlang.

Thailand ramah aum lai ih Miss Grand International Organization pawlin an kilkhawi. Pakhat sawn cu leitlun mipi hmai ih Laithuam pholangtu Miss Universe Myanmar Thuzar Wint Lwin a si.

An zuamawknak ah “Pray For Myanmar” timi ca a keng, tualsung media pawlin hmaiton thusutnak an nei ih “Nitinten ralkap pawlin kan mipi pawl an kap that ringring” tin Myanmar ralkap ih sualnak pawl a relsuak.

Thuzar Wint Lwin khal a tlung ngam hrih lo ih US ramah aum lai, ṭhenkhat thuthang ah Myanmar ralkap pawlin kai dingin warrant an suah zo tin an tarlang. Asinan, Thuzar Wint Lwin in “Kai dingin warrant an suah timi cu thuthang dik lo a si.

Asinan, rampi ka suahsan ruangah risk in ka tlung ngam hrih lo, a cang thei a si ahcun inn tlung cu ka cak tuk. Hitawk ah a sinpi dandan in ka um hrih ding. Thuthang diklo ka lo simfiang, nan zaten fimkhur zetin um uh” a ti. Thuzar Wint Lwin cu We Are JEMmodel agency pawlin American model ṭuan dingin an sawm ih hmalakdan ding pawl an tawlrel rero lai.

Be the first to comment

Leave a Reply

Your email address will not be published.


*