Myanmar Miss Pah Thattu A Tlanhlo

May 7, 2021 zanah Miss International Queen Myanmar 2020 rak ngahtu Miss May Thitsar cu motor accident in a thi.

Sinak bang kopaw LGBT pakhat a si ih Transgender Miss khal a si, accident a tonnak hmun cu Yangon, North Okkalapa vengsung ih siizung kiangah a si.

Taxi thawn a tlunlam ah motor pakhat thawn an pahaw thutthi ih Miss May Thitsar cu a thi. An motor pahtu cu Shwe Taung khua ih um tlangval kum 18 mi Kaung Si Thu (B) Brandon a si. Motor mawng theinak driver’s license khal anei lo. Arak tlanhlo ruangah kai dingin an hawl rero lai.

Miss May Thitsar cu May 7 zanah lam a leng ih a lamleng laiah an uico in fa a hring tin an sim thei, cutin manhlap tuk in a hmunhmuh Taxi a sang hngal ih an tlantlung.

Siizung kiang an thleng zawngah motor pakhat thawn an pahaw thutthi ih minung 3 an thi, 4 in hliam an tuar ih runsuaktu pawlkom in siizung ah an lutpi. Mithi pawl cu U Kyaw Myo Naing, Daw San San Win le Miss May Thitsar pawl an si.

Be the first to comment

Leave a Reply

Your email address will not be published.


*