Myanmar Model Thandar Hlaing Cu Yangon Airport Ah An Kai

Myanmar model le lemcan thiam hminthang Thandar Hlaing le a innsang į¹­henkhat cu November 14, 2021 ah Thailand khawpi Bangkok ah an feh tum.

Myanmar National Airlines (MNA) vanzam thawn an zamsuak tum nan an zamsuak hlante ah uniform hruh lo ralhrang pawlin thusut ding aum tin hmun dangah an hruaisuak, cumi hnuah an vanzam ticket khal an hlonter.

A pasal khal airport sungih check-gate a lan zo nan a nupi ih thuhla a theih veten a kirsal. November 14 sun ah vanzam pakhat lawng Yangon ihsin Thailand ram ah a zamsuak. Vanzam to pawlin vanzam sungah uniform hruh lo ralhrang tam zet an hmuh thu an rel.

Ralhrang pawlin Thailand ram feh tum pawl ih ca poimawh an zohsak thluh ih ram daan le dun pahbalmi an neih le neih lo khal an zingzoi. Model Thandar Hlaing cu ralkap thusutnak hmunpi ah an hruai tin Myanmar Cele Channel ah an tarlang, ralhrang in pukmah 505 an rak orhtermi model a si.

Be the first to comment

Leave a Reply

Your email address will not be published.


*