Myanmar Ralhrang Vice Chairman In, “Midang Pawlkom Cu Kekkuai Rero Khalsehla Kannih Cu Kan Kekkuai Ve Lo Ding” A Ti

Min Aung Hliang sangtu Myanmar vice chairman Soe Win (kum 61) cu Shan State, Kalaw khua ah ava tlawng ih ralhrang pawl thawn an tongaw khawm. Kalaw khua cu ralhrang pawlin an kil thepthep ih dawr pawl khal zanlam nazi 6:00 ahcun an kharter thluh.

March 18, 2022 sun ah Soe Win in a kuthnuai ralbawi pawl hnenah, “Midang pawlkom cu kekkuai rero khalsehla kannih cu kan kekkuai ve lo ding. Ziangtik lai caan khal lungrualten kan um ringring, ramsung buainak ah ralkap pawl an duai zik thlang tin thuthang diklo an suah rero.

Ralkap pawl kekkuai dingin thuthang diklo a phunphun an suah, cumi lakah lungrualten ke kan kartlang vivo ding” tin forhfialnak ava nei.

Myanmar ramsung hmuntin ah ralhrang le tualsung mipi humhimtu pawl an kapaw ih ralhrang thi le hliamtuar an tam zet, curuangah ralhrang pawlin doawknak vanzam in khuasung mipi pawl an kap ṭheu. Ralkap tam zet khal ralhrang kuthnuai ah cangvai duh nawn loin hmun dangdang ah an tlan.

Be the first to comment

Leave a Reply

Your email address will not be published.


*