Myanmar Ralkap Do Rerotu SNA Ralbawi Cu A Kuthnuai Ralkap In A Kap That

Shanni Nationalities Army (SNA) ih commander-in-chief ṭuanlai kum 56 mi Than Chaung cu May 27 ah a kuthnuai ralkap pakhat in a kap ih a thaizing ah a thi.

SNA thuphuangtu Col Hsur Sai Tun in “Than Chaung kaptu ralkap cu kan hnenih ara lutnak a rei hrih lo, training kai rero lai a si ih private khal a si hrih lo. A thuhla kan relsuak tam duh hrih lo, a thuanthu le a dunglam ah zo pawl an um ti kan zingzoi lai. Amah khal a thi zo” tin Myanmar Now thuthang hnenah a sim.

Than Chaung kaptu ralkap cu an that zo, Myanmar ralkap pawl ih thlahmi si an zum. Ralbawi Than Chaung cu 88 kum laiah All Burma Students Democratic Front (ABSDF) ah a lut ih thuneihnak latu ralkap pawl a do, ralkap ih kaih le vuakvelh khal arak tuar rero zo.

Than Chaung cu Sao Khun Kyaw or Myint Soe tin khal mi tampi in an ko ṭheu, Kachin Independence Army (KIA) hnenah caan reipi sung arak um zo. KIA in kaihcawlhnak hmin an khen hnu ihsin Kachin ram a suahsan ih Shan ralkap ah a lut.

Cutin, RCSS’s Brigade 241 ih an hotu a ṭuan, 2006 kum ah ralkap pawlin an kai ih kum 68 sung thawngtla dingin a thu an ṭhencat.

Asinan, National League for Democracy (NLD) cozah in April 2018 ah a ngaidam ih an suah zalen. Thawnginn ihsin a suah hnuah SNA commander-in-chief a ṭuan ih ram le miphun hrangah a nun a hlan.

Be the first to comment

Leave a Reply

Your email address will not be published.


*