Myanmar Ram A Bese Tuk Zo! Innkhat Ah Thantar Var Le Eng An Zar Vivo

Malaysia ram ih an sersuakmi inn hmai ih bawm dilnak thantar zar cu Myanmar ramsung ah an hmang rero zo. Thantar eng ih umzia cu siivai bawm kan ṭul tuk tinak a si ih thantar var ih umzia cu rawlei ding bawm kan ṭul tuk tinak a si.

Myanmar ram cu Covid-19 natsia le ralkap pawlin an nuai ciamco ruangah mipi cu an harsa thluh, cumi hnuah tilian in a nuai ciamco sal ih raltlan pawl khal an buai zet. Mibawmtu pawl khal an daiaw nawn lo ih ṭhenkhat cu bawmtu neilo in an innsung ah rilrawng tihal in an thi.

Yangon ramsung ahcun thantar var le eng zar an tam zet zo. Hline Township ih um Ma Sein Sein tei innsang khal an zaten an damlo thluh, a nulepa le nauhak 2 in Covid-19 nathrik an kai.

Vaksuak thei an um lo ruangah an inn hmaiah thantar eng an zar, a facebook cahmai khalah bawm dilnak ca a thlah hnuah mibawmtu pawlkom in an rak hmu ih siivai le oxygen burpi an va pe. Ma Sein Sein in “Mibawmtu in 10-liter oxygen cylinder in ra pe ih ka nulepa cu an dam ṭha zo, rawlei ding tla kan ngah. Kan ṭhah phah zet” a ti.

Mibawmtu pakhat in “Thantar var & eng an zar tikah an innsang zaten an damlo thluh ṭheu. Myanmar ramsung ih um ramdang company pawlin Myanmar ram an suahsan zo ih hnaṭuan ding aum nawn lo, cozah ṭhiṭha kan neih lo ruangah mipi le mipi kan bawmawk a ṭul. Ziangtik tiang kan bawmaw thei ding ti cu theih a si lo nan kan bawm thei sung cu kan bawm vivo ding” a ti.

Be the first to comment

Leave a Reply

Your email address will not be published.


*