Myanmar Ram Ih An Kuat Ding Mi Cu Thawnginn Sungah A Thlaiaw That

Thailand ram, Phra Pradaeng district thawnginn sungih um Kawlram mi pakhat cu February 6, 2022 zinglam nazi 2:30 hrawngah thawnginn sungah a awkaw that.

November 2021 ah Thailand palik pawlin an kai ih a kutsung ah ritheihsii an hmu, cun Thailand ram khal daan lo ih lut a si ruangah thawnginn sungah an khum.

A hmin cu Samking Ratana (kum 35) a si ih a thilton ruangah a thinhar zet. A thawngtlak ding caan a kim zo ih Kawlram ih kuat dingin an tawlrel rero lai. Zarhpi zingpit ah palik duty in a thlaiaw that mi ruak cu a hmu ih thuneihtu pawl hnenah a theihter, a ruak cu siizung ah an la.

A thlaiawk thatnak kiangkap ah CCTV aum lo ruangah a thihdan thuhla cu palik pawlin an zingzoi vivo ding. Palik bawi in amah le mah a thatawknak san cu a thinhar tuk ruangah a si ding ti ka zum’ a ti.

Be the first to comment

Leave a Reply

Your email address will not be published.


*