Myanmar Rampi Aiawh Ih Bawlung Sittu Dingah Chinmi 3 An Tel

2022 World Cup lek thei dingih zuamawknak cu Japan ram ah an nei rero lai, Myanmar ramih bawlung sitthiam an hriltlingmi pawl khal zumawknak ih tel dingin Japan ram an thleng zo.

Myanmar ramsung a buai ruangah soiseltu an nei tam zet, cun an rinsanmi bawlung sit thiam 10 in ralkap kuthnuai ah kan lek thei lo an tiih tuiṭum zuamawknak ah an tello ding. An team captain khal CDM ah a lut ih Germany coach Anthony Hay in a hoha ding.

Buainak phunphun an tong ruangah zo pawl an lek ding timi hmin cazin cu tuisun May 27 lawngah felfaiten an tarlang. Cumi lakah Chinmi 3 an tel.

Thaisun May 28 ah Japan thawn bawlung an sit ding. Myanmar bawlung sit thiam ṭhenkhat an tello ruangah an neh lo men thei tin mipi in an zum. Myanmar team ah minung 23 an um. Myanmar rampi aiawh ih lektu Chinmi 3 ih hmin cu David Htan, Suan Lam Mang le Lal Din Mawia pawl an si.

Be the first to comment

Leave a Reply

Your email address will not be published.


*