Myanmar Rampi Aiawh Ih Bawlung Sittu Pawlin Ram Hlapi An Sak Lo, Pakhat In Kutzung Pathum A Tung

May 28 zanlam ah Japan le Myanmar bawlung an sit, 2022 World Cup lek thei dingih zuamawknak puai a si ih Japan ramah an nei. Myanmar bawlung sit thiam 10 an tello, ralkap kuthnuai ah kan lek duh lo an tiih CDM ah a lut.

Inntek Japan in 10-0 rori in Myanmar a neh, half time hlanah goal 4 an thunlut ih half time hnuah goal 6 an thunlut bet. Japan hmaitlan Yuya Osa in vei 5 rori a sit goal, minute 90 sungah Myanmar team in veikhat lawng goal ah an sit ngah nan a goal lo.

An lek hlanah Myanamr team pawlin Myanmar ram hlapi an sak lo, music cu an play nan zohman in an sak lo. Cun, pakhat in ralkap cozah duhlo ti langternak ah a kutzung pathum arak tung, a hmin cu Pyih Hlian Aung a si ih a kut ah “Democracry kan duh” (We Want Democracry) timi a ngan.

Tuiáš­um an leknak ah Japan ram cu Group F, No. 1 ah aum. Puai 6 an lek zo ih puai 6 in nehnak an co, hmat 18 nei in 2022 World Cup lek thei dingih zuamawknak ah donthumnak a thleng. 2023 Asian Cup lek dingin nehnak an rak co zo.

Myanmar team cu vei 6 an lek zo ih vei 2 nehnak an co ih puai 4 an sung. Hmat 6 an nei ih 2022 World Cup lek thei dingih zuamawknak ah donlinak ah an um.

Be the first to comment

Leave a Reply

Your email address will not be published.


*