Myanmar Ramsung A Buai Hnuah Myanmar Milian Bik Cu Ramdang Ah Aum, A Fanu Khal A Tlangval Thawn Nuam An Tawl Rero

Kum 57 mi U Tay Za cu Myanmar ramsung ih milian bik an timi a si, Forbes Asia thuthang cahmai khalah an rak tarlang zo. Ralkap áš­uan zo a si ih ralkap ihsin a suah hnuah sumdawngnak a tuah.

Htoo Group le Air Bagan company neitu khal a si. Asian ramsung ah company tam zet anei. Ramdang mikhual pawl thlennak hotel le mobile phone tuahnak khal anei.

Myanmar ralkap U Than Shwe ih sungkhat naivai a si, cun ralkap in Russia ralthuam an leinak khalah va dawrtu pakhat a si. Cuvek dinhmun a si ruangah 2007 kum ah USA cozah in a bank account cu hmang thei lo dingin an tuahsak nan 2013 kum ah an ongsak sal.

Myanmar football team Yangon United Football Club sponsor tu bik khal a si. Myanmar ramsung a buai hnu, Covid-19 natsia a hrang ciamco ruangah a fanu Rachel Tayza thawn ramdang ah an va beu.

Rachel Tayza khal amah tawk ah milar pakhat a si nan Myanmar ramsung buainak thuhla cu online parah a tarlang dah lo. Tui caan ahcun a tlangval thawn Italy lamzin parih an nuam tawl lai zuk pawl a tarlang ih mipi in an soisel duh zet.

Be the first to comment

Leave a Reply

Your email address will not be published.


*