Myanmar Ramsung Ih Saihnit Zuar Pawl An Tlasia, China Ram An Kuat Thei Lo

Asian ramsung ah Myanmar ram hi saihnit tamnak ram pakhat a si, kumtinten saihnit tam zet an rak zuarsuak ṭheu. Myanmar ramsung a buai ruangah le tulai Covid-19 thlisia a hrangsal ruangah China in May 15 ihsin ramri an khar thluh, ziangtik tiang an khar ding ti cu theih a si hrih lo.

Curuangah Myanmar ramsung ih saihnit zuar pawl cu an tlasia zet, Myanmar ramsung ih saihnit cu Muse ihsin China ramah an rak kuat ṭheu ih China pawlin siivai ah an hmang.

Bokalay khua ih saihlit company hotu U Too Myint in “China in saihnit tum le te khal an rak lei ringring, commission tum pipi thawn hna kan ṭuantlang ih China ramah kan kuat ṭheu. Ramdang ahcun kan kuat thei lo, China in ramri a khar ih saihnit lei an cawlh ruangah sumpai tam zet kan sung zo” a ti.

Saihnit cu lolak, cerhdum lak tivek ah an vulh ih caw le naa pawl an umter ṭheu, a caan leh minung khal an va um ṭheu ih saihnit pawlin an thisen an rak zuk ruangah an thau in an tum duh zet.

Bokalay, Setsuh le an kiangkap khua pawl cu kum reipi sung saihnit in eihawl an rak si. Sahlit tum hi kg khat ah Kyats 15,000 in an rak zuarsuak ṭheu ih a te cu Kyats 22,000 in an zuar.

Be the first to comment

Leave a Reply

Your email address will not be published.


*