Myanmar Sibawipi In “Mipi Hnenah Thuneihnak Apsal Uhla, Thaizing Ihsin Hna Kan Ṭuan Hngal Ding…

Covid-19 natsia in Myanmar ramsung a nuai ciamco ih damlo le mithi an tam zet zo. July 7 tiangah Covid-19 nat nei 175,923 zat an um ih mithi 3,570 zat an um zo, July 7 nikhat lawngah Covid-19 positive 3,947 zat hmuhsuah a si.

Ralkap in sibawi le nurse pawl CDM an tuah ruangah mithi an tam phah, mipi nan phatsan tin an soisel. Curuangah Myanmar sibawipi Surgeon Capt. Min Maung Maung in “Tuisun ah Myanmar ramsung thuneihnak cu mipi hnenah pesal uhla, thaizing ihsin hna kan ṭuan hngal ding” a ti.

Surgeon Capt. Min Maung Maung cu ralkap cozah duh loin CDM a tuah ih hmun dangah aum. Surgeon Capt. Min Maung Maung in “Ralkap le ralkap lamtang pawlin CDM tuah sibawi le nurse pawl in soisel ciamco hi a fair lo tuk.

CDM kan tuahnak hrampi rel tello in mipi pawl nan phatsan in ti cu thin anuam lo. Tuisun ah Myanmar ramsung thuneihnak cu mipi hnenah pe kirsal uhla thaizing ihsin hna kan ṭuan hngal ding.

Ralkap in Myanmar ramsung thuneihnak nan lak ruangah mipi harhdamnak khal a siatsuah phah, Myanmar ramsung ah Covid-19 thlisia a hrangsal hi ngiarawknak tumpi a si” a ti.

Be the first to comment

Leave a Reply

Your email address will not be published.


*