Myanmar Thuthang DVB In Leitlun Huap International Media Freedom Laksawng A Ngah

Myanmar ramsung buainak ah ralkap pawlin media hi an ṭih zet, thuthang suah khal an siang nawn lo nan online parah an cangvai rero lai.

Leitlun huap Committee to Protect Journalists (CPJ) in 2021 kum sungih Media cawimawinak ah Myanmar thuthang Democratic Voice of Burma (DVB) khal an hril tel. Leitlun huap media 4 hnenah 2021 International Press Freedom award laksawng an pe ih cupawl cu DVB, Belarus, Guatemala le Mozambique pawl an si.

DVB thuthang cu July 1992 kum ah Chief Editor U Aye Chan Naing in arak sersuak ih Myanmar ramsung ih thilthleng pawl cu leitlun mipi hmuh ah a pholang ringring.

U Aye Chan Naing cu ralkap pawlin an kai lai, March 8 ah ralkap pawlin an ca post theinak license an hlonsak nan online parah an cangvai rero lai.

Cumi hnuah ralkap pawlin DVB media cu Article 505(a) hmangin taza an cuai ih an thuthang ngantu minung 3 cu an kai. Cuti cingin dungdip an tum lo ih Myanmar ramsung ih thilthleng pawl cu an ausuak rero lai.

Committee to Protect Journalists (CPJ) in “Tulai Myanmar ramsung ah journalist ṭuan hi a ṭihnung tuk, cumi lakah Aye Chan Naing le DVB in Myanmar ramsung ih thilthleng pawl cu leitlun mipi hmuh ah an ausuak rero lai ruangah cawimawinak kan hlan a si” a ti.

Be the first to comment

Leave a Reply

Your email address will not be published.


*