Myoma Bazarpi A Kang Ih Dawr Khan 100 Lenglo A Kangral

Magway Region, Salin Township, Myoma Market cu November 23, 2021 zan nazi 6:00 hrawng ihsin a kang ciamco ih dawr khan 100 lenglo a kangral thu meimittu hnen ihsin theih a si.

Nazi 6:25 ah meitat pawlin bazar a kang ti report an dawng, hmun dangdang ih um meitat pawl an koaw kham ih an va phelhmit. Meimitnak motor 12 thawn kangmai cu an phelhmit ih zan nazi 7:35 lawngah kangmei cu an control thei. Bazar kang ruangah mithi le hliamtuar cu an um lo.

Himi bazar ahhin dawr khan 763 zat aum ih dawr khan 100 lenglo cu a sungih um thilri bungrua pawl lasuak man loin a kangral thluh. Bazar a kaannak san cu į¹­uanvo neitu pawlin an zingzoi rero lai ih kangmei ruangah sumpai ziangzat an sung ti khal an hlakhlai lai.

November 13, 2021 zan nazi 9:00 khalah Nat Mauk Township ih bazarpi a kang ih dawr khan 242 zat a kangral thluh, kangmei ruangah ting 400 lenglo man thilri bungrua pawl an ziamral thu theih a si.

Be the first to comment

Leave a Reply

Your email address will not be published.


*