“Na Hmelsia Tuk, Fala Khal Na Nei Thei Lo Ding” Tin An Tlawngkai Laiah An Rak Capoh Ṭheu, Asinan A Rualpi Pawl Aiin Nupi A Nei Ṭha Sawn

Philippines, Marcos khuate ih um tlangval Mariano Sapuno Lingay cu a tlawngkai laiah a rualpi pawlin, “Na hmelsia tuk, fala khal na nei ve thei lo ding” tin an capoh ṭheu.

Rualpiza tiah zohman an thinheng cuang lo ih an hni rero ṭheu. Mariano cu Aeta timi miphun a si, Aeta miphun pawl cu an vun a dum, an sam a kir. Cun Luzon tlangram ah an um tam ih, Philippines ram ih rak um hmaisa lam pawl an si.

Mariano Sapuno cu a hmel a ṭha vak lo nan fala care a thiam in a zei deuh a si ding, khawkhat fala hmelṭha an timi Angel cu a zun ah a uaiter thei. Angel hi a kekkuai mi innsang ihsin thanglian a si.

Mariano Sapuno thawn an duhaw ih an hnamawk lai video cu online parah an tarlang ih kangmei vekin an lar ciamco hngal. A rualpi pawl khalin a fala cu hmelṭha an ti tuk ih Mariano cu an lawm rero.

Cutin tu’ahcun an neiaw zo, ṭhenkhat online mipi pawlin lem an cang men a si ding an ti. Media pawlin Angel cu thu an va sut ih “ziangruangah na duh?” tin an sut, Angel in “Ka duhdawt tuk, ziangruangah ti cu simfiang ciamco a ṭul lo. Ka duh si ko” a ti.

Be the first to comment

Leave a Reply

Your email address will not be published.


*