Na Mang Ah Rul Na Hmu Asilen A San (12)

Mang thuhla zingzoitu Lauri Loewenberg in, “Ramsa lakah rul hi mang ah kan hmu tam bik. Minung kiangih um ringring, innvulh uico, zawhte aiin rul hi kan hmu tam sawn. Rul cu tur nei a si ruangah mang ṭha tuk cu a si lemlo ṭheu” a ti. Lauri Loewenberg ih simfiangnak…

(1) Na mang ah rul na hmu ih na rak ṭih tuk: Na mang ah rul na hmu ih na rak ṭih tuk, na tlan ciamco. Rul in a lo dum asilen a takram ah ralrinten um aw. Miṭha lo maw, damlonak, boruak ṭha lo cu na lamah ara pan rero lai ti a lo khihhmuhtu a si.

(2) Na taksa parah rul aum: Rul in na ke arak ngerh, na hngawng a ngerh. Na taksa parah rul arak um asilen na harhdamnak a ṭha lo. Na taksa sunglam a diklo, na thisen fehdan lamzin a diklo ti lo simfiangtu a si ih na harhdamnak a ngai poimawh zet a ṭul.

(3) Na mang ah rul na hmu leuhleuh: Na mang ah rul na hmu leuhleuh asilen na kiangkap ih um pawl lakah fimkhurten tlangleng aw. Na hnaṭuanpi, na nupi/pasal karlakah remlonak, huatawknak aum ti lo simtu a si. Asilole na kiangkap ah boruak sia a herkual rero lai ti lo simtu a si.

(4) Na mang ah rul ṭihnung zet na hmu: Na mang ah rul ṭihnung zet, tursia nei pawl na hmu asilen na hringnun ah red light aum ti lo simtu a si. Miṭha lo, boruak sia in a lo naih vivo ti lo simcia tu a si ruangah ralrinten tlangleng aw.

(5) Na mang ah rul ṭihnung lo na hmu: Na mang ah rul ṭihnung lo, tur nei lo pawl rul na hmu. Rul na hmu nan na ṭihnung lo tuk asilen a takram ih na ṭih zet mi thil cu na zum vek arak si lo ding, na zum vekin a ṭihnung lo ding. Miṭih zet mi na nei, boruak sia tong ding na ṭih tuk nan na va tong ngaingai ahcun zianghman arak si lo. Ṭih ding zianghman aum lo ti theihternak a si.

(6) Ihkhun ah rul na hmu: Ihkhun ah rul na rak hmu asilen na pomlai nupi/pasal karlak ah thilṭha lo, thildik lo aum ti lo simtu ciikhat a si. A caan ahcun nangmah khal na nupi/pasal hrangah mi ṭihnung na si ti lo simtu a si.

(7) Na hnaṭuannak ah rul na hmu: Zan na mang ah na hnaṭuannak ah rul na hmu asilen na hnaṭuanpi lakah nangmah lo remlotu an um. Hnaṭuannak ah buainak, sinpi lonak a thleng thei.

(8) Rul-var na hmu: Ahmaisabik ahcun na rawng duhmi thawn khal tuait a ṭul, ṭhimnak ah rawng var na duh asilen thilṭha lam a si ih rawng-var na hua tuk asilen thilṭha lo lam khal a si thei. Na mang ah rul-var na hmu asilen nunghram thar na thoksal ding tinak a si. Asinan na rak ṭih tuk asilen na hringnun ah thlen awknak danglam zet aum ding tinak a si, pangaiten na hmu a si ahcun thilṭha lam a si ih boruak thiang thar na hawp cing ding ti lo simtu a si.

(9) Rul-sen na hmu: Na mang ah rul-sen na hmu asilen ralring aw. Na hringnun ah red light aum ti lo khihhmuhtu a si, na kiangkap um minung asilole boruak umdan kha zohfiah vivo in thil tuah aw.

(10) Rul-hring na hmu: Rul-hring cu thikthusia lam a khihhmuh. Na kiangkap um pawlin an lo thik, asilolen nangmah in na thik tla a si thei. Na hringnun ah thikawknak a thleng cing ding, asilolen a thleng zo khal a si thei.

(11) Rul in a lo cuk: Rul cu an ngainat um lo zet, rul cu boruak ṭha lo, damlonak khihhmuhtu ciikhat a si. Asinan, na mang ah rul in arak lo cuk asilen na damlonak, boruak siava cu a ziaum thlang ding ti lo simfiangtu a si. Mang ah rul cuk tuar cu thilṭha lam a si thung.

(12) Rul in midang arak cuk: Na mang sungah rul in midang arak cuk asilen rul cuk cu thilṭha lam a si tin kan tarlang zo kha. Cun zanmang ah midang cu kanmah tinak tla a si ṭheu, zanmang ah kanmah cu direct ih kan langlo caan khal aum

Be the first to comment

Leave a Reply

Your email address will not be published.


*