Na Tlangval Na Duhdawt Tuk Asikhallen Langter Tuk Hlah

Na tlangval hi na duhdawt tuk asikhallen langter tuk aw hlah, na thinlung sung lawngah ret ṭha aw. A mawi tawkfang lawng in langter aw, na duhdawtnak na langter tuk asilen a lo namnuai mai ding.

Na duhdawtnak na langter tuk asilen a lo ngainep sawn dingih a duhduh in a lo puahcok tum ding. Na thinlung kha control neh tum awla pangaiten pehtlaih ringring tum aw, arak lo duhdawt ve ngaingai maw tihi zingzoi hmaisa aw.

Ziangvekin thutiam kamawknak a lo pe asikhallen 100% in zumaw hlah, leitlun ih ṭongkam ṭhabik/mawibik hmangin a lo lem asikhallen na taksa kha a hrangah hlanaw hrimhrim hlah. Hmailam caan cu zohman in an relcia thei lo ih nan ṭhenaw sal thei ringring ti kha thei camcin aw.

Mipa pakhat lawngah thinnat ciamco ding a si lo mipa dang tampi an um ti kha thei ringring aw. A lo tlansantu mipa hrangah na mitthli forter hlah, a lo duhdawt ngaingai asilen na hnenah ara kirsal mai ding. Ara kirsal lo asikhallen khuanui samhrisih nan si lo tin ruat thiam awla na thinlung sangka cu valdang hrangah lamzin sialsak aw.

Midang aiin nangmah le nangmah kha duhdawtaw hmaisa bik aw, cun mah le mah rinsanaw thei dingin hnaṭuan zuam aw, thiamthil pakhat khat nei dingin zuam aw. A netabik ahcun mipa hi zum awl tuk aw hlah, na duhdawt tuk asikhallen na thinlung mit cu cawter hlah. (#Lungthin a kekkuai zo mi lengnu)

Be the first to comment

Leave a Reply

Your email address will not be published.


*