Naa Naupai Lai An That Zik Ih A Ṭap

China, Guangdong province, Shantou khua ih naa thatnak hmunpi ah naa naupai lai cu that dingin an hruai hnianghno.

Naa in an fehnak hmun cu a theithiam ih a feh duh nawn lo, naa thattu pawlin an va dir ciamco ih naa cu a feh duh lo tuk ruangah khuk a bil. Cumi hnuah an dir thotho ih naa thatnak hmun sungah an lutpi ih a mitthli a luang ih khuk a bilsal.

Kiangkap ih um mi pakhat in naa ih cangvaihnak mak zet cu online parah arak pholang. Ramsa, rannung humhimtu pawlin an rak hmu ih an zangfah tuk ruangah that lo dingin an ngen.

Naa cu runsuak dingin sumpai an khongaw khawm ih dollar 3,600 hrawng an ngah. Cutin lainat um zet naa cu an va runsuak ih nau a pai lai ti an thei, naa cu Huilai Jinshi, Golden Temple ah an umter.

Be the first to comment

Leave a Reply

Your email address will not be published.


*