Nacang In Kiosa An Vel Tum Ih Kiosa In A Ṭih Ruangah Thinkung Parah A Relh

‘Ṭanrual cu cahnak” an ti vekin nacang cu kiosa ih rawl thaw an si nan an rak ṭanrual ahcun kiosa in an neh lo. Norway pacang kum 54 mi Photographer Olav Thokle cu leitlun hmun dangdang ah feh tahratin khua le ram a zuk ṭheu.

Africa, Masai Mara ramlak ah aum ih thil danglam zet a zuk ngah cu tulai ah a lar zet. Masai Mara ramsung ah kiosa sual zet 4 an um ih mipi in Black Rock Boys tin an ko.

Sunkhat cu nacang rual deh dingin an rak bawh, asinan nacang ṭhenkhat in an hmu ih tlan tum loin an va sual sawn. Na dang pawlin an va bawm ve ih kiosa 3 cu taw le lu khal thei loin an tlanhlo.

Asinan, kiosa pakhat cu an kulh thluh man ih tlannak ding anei nawn lo, cutin mangbang vansang in aum hnuah an kiangih um thinkung parah a kaiso.

Nacang rual in velh tum in an hngak ringring ih a ṭum ngam nawn lo, nazi 4 sung cu zawngte vekin thinkung parah aum. Nacang pawl an tlan thluh hnuah kiosa cu a ṭumsal ih a khua lamah a tlung.

Be the first to comment

Leave a Reply

Your email address will not be published.


*