Nam In Innsang Menber 5 An Sat That

Kachin State, Bhamo khua ih um innsang menber 5 cu zo ti theih loin nam in an sat that. July 2 zanah an sat that thu theih a si, nauhakte 2 khal an sat that thotho.

Innsang menber 6 an si ih an fapa upabik kum 13 mi cu arak tlan man, asinan a thinphang tuk ruangah biak theih loin aum lai. Mithi pawl cu innsang nulepa, an fate 2 le pitar pakhat a si.

An hmin cu: Pitiar kum 70 mi Jan Yam Htu, innsangpa Yaku Langzing Tang Gun, innsangnu Moreen Sumlut Htu Nan le an fate 2 Langzing San Li Naw le Langzing Doi San Awng pawl an si.

Siattong inn ah Rev. Fr Sunday Aung, Rev. Fr Paul Lahpai Aung Dang le pastor pawlin thlacamnak an va nei ih July 3 ah an vuiliam. Rapthlak zet ih thattong innsang pawl ih thlarau hrang le tualthattu khal an hawl hmuh lohli theinak dingah thlacamnak rak nei cio dingin sawmnak an tuah. (Hram: RVA Kachin/DVB)

Be the first to comment

Leave a Reply

Your email address will not be published.


*