Nan Innsang Ah Mothar Ara Lawi Tikah Hitin Pehtlaih Aw (4)

(1) Mothar nan nei ih nan innsang ih ara lawi tikah mikhual vekin pehtlaih aw hlah. Amai inn vekin pehtlaihaw, nan innsang member thar pakhat vekin pehtlaihaw. Cutin thinlung zalennak a ngah dingih a lo upat cih ding.

(2) Rualpi vekin pehtlaihaw. Bazar kaipi, lam lengpi le leknak tuahpi ṭheu aw. Rualpi vekin bia awla a nel dingin um tum aw. Thil pakhat na theih ding mi cu ziangkim hi luarkai tuk ih pehtlaih cu a ṭha cuang lo. Thil ziangkim luarkai tuk ih tuah a ṭha lo an ti vekin na mo na pehtlaihdan ah luarkai tuk loin a mawi tawkten pehtlaihaw.

(3) A phur zawng theih tum awla tuahsak aw. A rawl ngaihna zawng khal thei tum aw, film nan zoh tik khalah a duh zawng zuknung zohpi awla na duh zawng a lo zohpi leh ding. Mosual an timi hi a caan ahcun arak pehtlaihtu ih diklo caan khal aum ṭheu. Curuangah a pehtlaihtu hi a thupi zet.

(4) Ngaihsak aw, a damlo caan le a thinhar beidong caan ah ngaihsak aw. Hitin nan mothar na pehtlaih asilen a rei hlanah moṭha nan nei ding tinak a si.

Be the first to comment

Leave a Reply

Your email address will not be published.


*