Nandar Hlaing In Oxygen Tuahnak Cetpi A Cah Lai, A Thlen Tikah Cun “Nan Ra Thun Ṭullo In Motor Thawn Khuasung Ah Kan Vakkual Ding” A Ti

Myanmar lemcan thiam hminthang Nandar Hlaing in oxygen tuahnak cetpi 50Nm3/h a cah ih lamzin ah aum lai thu theih a si. A thlen tikah cun damlo pawl innsang in oxgyen an va thun a ṭullo dingih a hmun ah anmah an va feh sawn tum.

Nandar Hlaing in “Thuthangṭha ka lo hlawm ding, kan zaten ka ṭul zetmi oxgyen tuahnak cet pakhat cu lei dingin ka hrilfel zo. Nikhat ah burpi 200 a fill up thei, a ṭul poimawh pawl umnak veng, khuasung ah nitinten kan vakkual ding.

Zan ahcun Zay Kabar sungah motor a dingih oxgyen thun theih ringring a si ding. Nazi 24 sung fill up thei dingin kan tawlrel ding, alakin oxgyen thunsak ding a si.

A rang theibik ih thleng dingin kan cah nan reilote sung cu kan hngak lawk a ṭul ding ti ka zum, thinphang hlah uh. Kanmah vekin midang bawmtu pawl khal an ra suak vivo ding, harhdam dingin rak um cio hram uh” tin a tarlang.

Kum 47 mi Nandar Hlaing cu Yangon, Mawlamyine khawpi ih um a si ih oxgyen cet cu khuitawk khawpi ah a ret tum ti cu a tarlang lo. Miharsa le damlo pawl bawm ringringtu a si ih tuvek caan ih a pekawknak cu upat a tlak tuk.

Be the first to comment

Leave a Reply

Your email address will not be published.


*