Shan State, Hu Khin khua ah fala le tlangval an duhaw ih fala cu nau a keng. A naupai hi thla 3 a kim zo ih a tlangval in ṭuanvo a la ngam lo ruangah hridai in a awkaw that. A tlangval ih hmin cu Mong Ne Win a si.
May 19 ah a pum a tum tlang ruangah a tlangval tei inn ah ava feh ih a naupai thuhla a sim, a tlangval tei inn ah aum.
A zan ah a tlangval in, “Ka lo nei thei lo, nan inn ah va tlung aw. Na tlung lo asilen ka lo that ding” tin namtong thawn a hringhro.
Mong Ne Win cu nupi dang nei dingin an bia, a tlangval ih nu in, “Nangmah ruangah ka fapa in a tuar phah” tin fala nute cu a kawk bet.
May 20 zinglam ah a nu in ava hruai ih inn ah a tlunpi, a nu in bazar a kaisan ih zinglam nazi 11:00 ah inn ava tlung ih arak thi zo, hridai in a thlaihaw that. Ṭuanvo la ngam lo tlangval Mong Ne Win cu tualsung mipi ralkap TNLA in an kai.
Leave a Reply