Nauhak 3 Cu Spider-Man Cang An Duh Ruangah Maimom An Keuawkter Ih An Dam Lo Bese

May 14, 2020 ih thilthleng a si ih na rak theih zo asikhallen thei hrih lo an um ding tin rak ruat thiam mai (Kei khal ka veikhat theihnak ve a si). Kan nauhak lai ahhin Spiderman le Batman cang hi kan rak cang ve thei zet nan maimon keuawkter cu kan rak tum dah lo.

Chayanta, Bolivia khua ih um nauhak pathum cu ramlak ah an va feh, anmah cu kum 10-12 mi hrawng an si. Cutin ramlak ih an um rero laiah maimom an hmu ih zuknung sungih spiderman vek cang an duh tuk ruangah an pathum in an keuawkter.

An kaihmi maimon hi black widow timi maimom turpin zet nei pawl a si ruangah an talbuai. An khua a sik cih ih a taksa umdan anuam lo hngal, cutin inn ah an va tlung lohli ih an taksa a naa tuk ruangah an ṭap ciamco.

An nulepa hnenah an thiltuah cu an sim thei ih siizung a naibik ah an tlanpi, an va ṭhanak ah a caankhel in siizung an pan ngah ruangah sibawi pawlin an rak tuamhlawm dam thei. Black widow ih keumi pawl cu a caan khelin siizung an fehpi man lo asilen an thi lohli ṭheu. Spiderman cang cu a duhum zet nan black widow maimom keuawkter cu thilṭha a si lo.

Be the first to comment

Leave a Reply

Your email address will not be published.


*