New Mexico ih um nauhak kum 11 mi Bruce cu July 10, 2022 zingpit a itthat laiah nam in an dawt ciamco. A pa in a ṭap thawmvang a theih veten a khan sungah ava zoh ih thihnai thawn arak um.
Room khatlam ah a nupi kum 49 mi Mary khal zianghman thei loin a tlu, Mary khal a awm ah nam ih dawtnak hliamhma aum. Innsang pabik in palik pawl a ko hngal ih an nufa in siizung ah an tlanpi.
Bruce ih taksa parah nam ih dawtnak hliamhma nasa zet an hmu, siizung ah an tuamhlawm ih a thih hlan te ah nam ih dawttu cu “ka nu a si” a ti. Palik pawlin thilumdan cu an zingzoi ih hringtu a nu Mary in a itthat laiah nam in ava dawt ciamco ti an theisuak, cumi hnuah Mary cu amah le mah nam in a dawt aw ve.
Mary cu tualthattu thubuai an orhter ih siizung ah an tuamhlawm rero lai, a damṭhat hnuah hremnak an pe ding. An innsang thuhla: Mary in a fapa hi a hmuhsuam thei tuk ruangah a pa in Bruce cu an inn ihsin a hruaisuak ih a nupi cu a ṭhen tum.
An pafa in khuadang ah an va um ih ṭhen aw dingin an tawlrel, Mary in a fapa hmel a hmuhlonak ni 40 a rei ruangah “Ka fapa hi ka hmu cak tuk” tin a pasal hnenah a ngen. Curuangah an ṭhenawk fel hlanah Mary cu an inn ah ava tlawng ih zan an itthat laiah a fapa cu nam in a dawt ciamco.
Leave a Reply