Nauhak Kum 13 Mi Cu Thla 8 Sung An Sualpi, Mipa 80 An Kai Zo

India, Andhra Pradesh nunau nauhak kum 13 mi cu mipa pawlin thla 8 sung an sualpi zo. Tualsung palik pawlin nauhak sualpitu mipa 80 cu an kai zo ih midang cu kai dingin an hawl rero lai.

Thla 8 sungah mipa tam zetin an rak sualpi rero zo, a burpin khalin an sualpi ṭheu. June 2021 ah hringtu a nu cu Covid-19 in a damlo besia, siizung aum laiah Sawarna timi nunau pakhat thawn an hmeltheih aw.

Covid-19 in a thih hnuah siizung ih a hmeltheih nunau in a fanu cu cawm dingin a la, a pa ih siannak khal tello in nauhak kum 13 mi cu a la. Cutin, Sawarna in nauhak kum 13 mi cu hlawhhlang a ṭuanter, hmun dangdang ah a fehpi ṭheu ih a taksa cu a zuarawkter.

Hringtu a pa in a fanu thuhla cu a theih veten palik hnenah thubuai a thehlut ih Sawarna cu an kai, nauhak khal an runsuak ih hmunhimnak ah an ret. Nauhak sualpitu lakah cathiam sang khal an tel, pakhat cu London ah aum zo. (#India Today)

Be the first to comment

Leave a Reply

Your email address will not be published.


*