Nauhak Kum 2 Mi Cu An Phum Hlante Ah A Tho Thutthi Ih, “Papa, Tidai Ka In Duh!” A Ti

#June 10, 2012 kum ih thilthleng a si ih leitlun ah hivek thil arak thleng zo ti kan theihnak dingah kan rung tarlang sal. Na rak thei zo asilen thei hrih lo ruangah tin rak ruat thiam mai (Kei khal ka veikhat theihnak ve a si).

Brazil, Belem khua ih um nauhak kum 2 mi Kelvin Santos cu a damlo bese zet ih Aberlardo Santos Hospital ah an tlanpi ih lung damlonak pneumonia in a damlo ti an hmusuak.

A thawsam in a talbuai ringring ih ṭhalam pan thei loin a thi, siibawi pawl khalin a thi zo tin an nenhnget ih a ruak cu an tuam ṭha. A nulepa in an fapa ih ruak cu an tlunpi ih an ṭap rero, mithikuang sungah an ret ih venghnen mipi pawl khalin an va topi.

Kelvin Santos ih ruak cu an phum zikte ih mipi cu ninghang riahsia in an ṭap ciamco laitak ah nauhakte cu ara tho thutthi ih, “Papa, tidai ka in duh” a ti cu kiangkap um mipi pawl an lau tuk, a pa in tidai ava suah lohli ih a inter hnuah mithikuang sung ahcun a itsal ih an thangharh thei nawn lo.

Hringtu a pa in siizung ah ava tlanpi hngal ih sibawi pawlin an zohdik hnuah nunnak anei nawn lo an ti. Hitin thil danglam zet an tong ruangah an phum ding caan khal an thawnsal nan thil danglam a thleng nawn lo. Hringtu a pa in siizung lam thiamlo a si tin palik hnenah thubuai a thehlut, asinan palik pawlin an zingzoi rero hnuah an thubuai cu an kharsak ih palik pawl khal an luzing zet.

Hringtu a pa in, “Mithi zo an thosal thei lo ih an ṭong thei lo, thudik ka haisuak tengteng ding” a ti. Leitlun mifim mithiam pawl khalin ziangtin ara thosal ti an zingzoi rero nan a san an theithei lo.

Be the first to comment

Leave a Reply

Your email address will not be published.


*