Nauhak Kum 2 Mi Cu Banhla A Hak Ih A Thi

North Wales, Ruthin khua ih um nauhak kum 2 mi cu hringtu a nu in banhla malte a barh ih a haksual ruangah a nunnak a liam. Kum 30 mi Dylan in a fapa cu a it hlante ah banhla malte a barh, zandang ahcun bottle a pe ṭheu.

Second 30 hrawng a fapa ih room cu a suahsan lawk ih ava lutsal ih a fahniang hak rero lai a hmu cu a mangbang tuk. A kaa sung a zoh ih a dang ah banhla tang a hmu, hringtu a nu khal a talbuai ih a anhai.

A fapa dang ih tang banhla cu a lasuak thei lo ih a fapa cu a hak zok rero, a aw khal a suak ṭha thei lo. Palik pawl a ko ih sibawi in phone ihsin tuamhlawm dan ding a sim thei, runsuaktu pawl an va thleng ih siizung ah an tlanpi hngal nan siizung an thleng hnuah a thi.

Court in an thubuai cu a zingzoi ih accident pang ih thi tin an ngankhum, cun hringtu a nu in banhla a pekdan khal a pangai, cansualnak ih siatnak thleng a si tin zohman thubuai an orhter lo.

Be the first to comment

Leave a Reply

Your email address will not be published.


*