Nauhak Kum 2 Mi In Plug Ah Haite A Thun Ih Electric In A Holh That

Nauhak ziang theithiam hrih lo nei kan si ahcun kan fimkhur a ṭul zet, kan zohṭhah ringring an ṭul. Philippines, Quezon City ih um mipa nauhak kum 2 mi Jake Angara in an plug sungah thir haite a thun ih electric in a holh that thu theih a si.

A nulepa cu an coka lamah thil dangdang an rak tuah rero. A nu Eloisa in, “Innsung lamah thilpuak awn vek ka thei, ka lau tuk. Asinan, thil pakhat khat a tla si ding tin ka ruat.

Inn sungah ka pasal ava lut ih a au ciamco hngal, meisa in Jake a holh tin a au ciamco” tin Saksi television show hnenah a sim. An fapa cu siizung ah an tlanpi hngal nan an runsuak thei nawn lo, a thi.

Police pawlin an zingzoi hnuah “Plug ah thir haite a thunlut ruangah meisa in a holh that” tin an phuang ih midang khal fimkhur dingin theihternak an tuah.

Be the first to comment

Leave a Reply

Your email address will not be published.


*