Nauhak Kum 3 Mi Cu An Phum Laiah A Nung

Mexico nunau nauhak kum 3 mi Camila cu siibawi pawlin a thi zo tin an nenhnget hnuah a nungsal. A pum-naa, a khuasik ih a luak rero ruangah vengsung siikhan ah an fehpi.

Siibawi in a dinhmun a sia ruangah Salinas de Hildalgo Community Hospital ah fehpi dingin a khihhmuh. Siizungpi ah an va feh ih an tuamhlawm hnuah an tlung, zan nazi 10:00 hrawngah a besia ciamco ruangah siizungpi ah an tlanpi sal.

Siibawi pawlin an tuamhlawm rero hnu August 17, 2022 sun ah a lungphu aum nawn lo, a thi zo an ti. A nulepa, a innsang pawl cu an riahsia tuk. A thaisun ah vuinak caanserh an hmang ih a pi in a thlankuang parih an ret mi khuat a cang rero a hmu, kiangkap um pawl a sim thei ih thlankuang cu an ongsal.

A mit a cang rero an hmu ih a lungphu an tham ih a nungsal ti an thei, siizung ah an va tlanpi sal ih siibawi pawlin a nunglai an ti. An tuamhlawm rero laiah a thi lala. Palik pawlin a thihnak san, an thilton mi pawl cu an zingzoi rero lai.

Be the first to comment

Leave a Reply

Your email address will not be published.


*