Nauhak Kum 3 Mi In Jesuh A Hmu Ih A Zuk A Suai

Leitlun ah Jesuh arak tlanlen zo nan zohman in a hmuihmel diktak an thei lo, an san laiah phone / camera aum hrih lo ruangah a zuk hmuh ding aum lo.

Jesuh zuknung an cang hnu lawng ihsin a cangtupa ih hmuihmel cu Jesuh hmuihmel ah kan rak ruat, zuknung cangtupa khalin “Jesuh ngai ka si lo, ka zuk tar in thlacamnak tivek nei nawn hlah uh” arak ti rero zo.

Awle, nauhak kum 3 mi Akiane Kramarik in a mang lam vek deuh in Jesuh arak hmu ih an biaaw, vanram khalah a feh thu a rel. Akiane Kramarik cu kum 27 a kim zo ih a hminthang zet. A nulepa cu Pathiam um zumlotu (Atheis) an si.

Akiane Kramarik cu Catholic ah a lut ih a unau dang pawl cu anmahten zumnak dang ciar an nei thluh. Akiane Kramarik in thiamthil ṭha zet anei, zuk suai le cangan thiam zet a si ih “Pathian ih malsawm ka dawngmi a si” a ti.

Akiane Kramarik in “Pathian cu a eng mawi tuk, a thianghlim tuk ih a tum tuk. A mit cu a mawi tuk” tin CNN in thu an sutnak ah a sim. A thluak sungah Jesuh hmuihmel a cam ringring ih kum 8 a kim ah a zuk cu a suai theh thei.

A zuksuai mi hmin ah “Daihnak Siangpahrang” “Prince of Peace” tin a phuah ih US$10,000 in an lei. Zuk tampi a suai zo ih, cabu khal tam zet a ngansuak. A cabu pahnih cu leitlun ih an khawngcak bik mi cabu (best-selling books) ah an cang.

Kum 10 a kim ah The Oprah Winfrey Show in hmaiton thusutnak an nei ih kum 12 a tiah CNN in an kom, zuknung sung khalah a lang phahphah ṭheu. A thiamthil zuk suai mi le cabu man ihsin Africa ram ah siizung pakhat a sak ih miharsa pawl khal a bawm ṭheu.

Be the first to comment

Leave a Reply

Your email address will not be published.


*