Nauhak Kum 4 Mi Pawngsual Tumtu Cu TNLA In Kum 4 Sung Thawngtla Dingin A Thu An Ṭhencat

Shan State, Namhsan peng, Yangsai khua ih um mipa kum 37 mi Tai Yang in nauhak kum 4 mi a pawngsual tum ruangah an kai.

Tualsung mipi ralkap PSLF/TNLA pawlin a sual tuah mi ruangah kum 4 sung thawngtla dingin a thu an ṭhencat. March 12, 2022 sun ah nauhak kum 4 mi cu vante hawl in aum, Tai Yang in a hmu ih an inn ah a hruai.

An ihkhun ah itpi dingin a cangvaih rero laiah vengsung mipi pawlin an va kai ngah ih TNLA hnenah an hlan. TNLA zung ah a thuhla hi veithum an rak rel zo. August 28, 2022 zanlam nazi 4:00 ah sual a tuah ngai a si ti tetti kimcang thawn kum 4 sung thawngtla dingin a thu an ṭhencat.

August thla sungah TNLA pawlin thubuai 7 parah thuṭhen catnak an nei. Ritheihthill tham / zuartu thubuai 4, rukru thubuai 1, tualthat thubuai 1 le nauhak pawngsual tum thubuai 1 pawl parah thuṭhen catnak an nei.

Be the first to comment

Leave a Reply

Your email address will not be published.


*